#EURegionsWeek close to you: Europa indartsuago baten aldeko mugaz gaindiko lankidetza

Nafarroako EBerako Bulego Iraunkorrak "Europa indartsuago baten aldeko mugaz gaindiko lankidetza" jardunaldia hartu zuen urriaren 13an. Nafarroak antolatu zuen topaketa, 2026ko Eskualdeen eta Hirien Europako Astearen barruan. Bertan, Nafarroako Gobernuko, Eusko Jaurlaritzako, Pirinioetako Lan Elkarteko (PLE), Akitania Berria-Euskadi-Nafarroa Euroeskualdeko eta Europako Mugaz Gaindiko Eskualdeen Elkarteko (ARFE) ordezkariak bildu ziren. Entzule gisa, Interreg Italia-Austria, Interreg Aurora eta Interreg VI-D Madeira-Azores-Canarias (MAC) programetako ordezkariek ere parte hartu zuten. Lan-saioen ostean, bertaratutakoek kafe bat hartu zuten giro lasaiagoan. Elkarri iritziak eta esperientziak partekatzeko eta harremanak estutzeko aukera izan zen. Bisitak, gainera, Ordezkaritzaren berri emateko eta Nafarroaren eta Europako erakunde eta eskualdeen arteko lankidetzarako topagune gisa betetzen duen zeregina ezagutarazteko balio izan zuen.

Zerrendara itzuli