Nafarroak Europar Batasunean duen ordezkaritzak bakarrik edo beste batzuekin lankidetzan antolatutako ekitaldiak.
Ia guztiak ekitaldi propioak dira, aurrez aurre edo birtualki antolatuak, eta beti doakoak. Gainerako ekitaldiak ere gure bulegotik antolatzen dira, Nafarroak presentzia berezia izan nahi duen Europako asteen testuinguruan.
Urriaren 13an, Nafarroak Vanguard Initiative sarearen goi-mailako bilera politiko batean parte hartzen du. Bilera Bruselan egiten da, Ipar Renania-Westfaliako Gobernuak Bruselan duen Ordezkaritzan. Topaketaren helburua eskualdeen arteko lankidetza indartzea eta Europako lehiakortasuna sendotzen laguntzea da.
Urriaren 13an, Nafarroak Pirinioetako eta mugakide diren hainbat lurraldetako ordezkariak biltzen ditu, Europan kohesio handiagoa eraikitzeko mugaz gaindiko lankidetzak duen zeregina aztertzeko. Jardunaldia 2026ko Eskualdeen eta Hirien Europako Astearen barruan antolatu da, eta inguruko eskualdeen arteko lankidetzarako esperientziak eta estrategiak partekatzeko aukera emanten du.
Nafarroako EBerako Bulego Iraunkorrak "Europa indartsuago baten aldeko mugaz gaindiko lankidetza" jardunaldia hartu zuen urriaren 13an, 2026ko Eskualdeen eta Hirien Europako Astearen barruan. Topaketak Nafarroako Gobernuko, Eusko Jaurlaritzako, PLEko, Akitania Berria-Euskadi-Nafarroa Euroeskualdeko eta ARFEko ordezkariak bildu zituen, elkarrizketa sustatzeko aukera ematen zuen lan-formatu txiki batean. Jardunaldiko hitzaldiak frantsesez, gaztelaniaz eta euskaraz egin ziren, mugaz gaindiko eremu honen hizkuntza-aberastasuna islatzen duten hiru hizkuntzetan.
NAEN Euroeskualdeak hirugarren bilera egingo du Bruselan, 2026ko Europako Eskualdeen eta Hirien Astearen barruan, mugaz gaindiko lankidetza sustatzen jarraitzeko eta lurraldeen arteko sinergiak indartzeko helburuarekin. Bilera urriaren 13an egingo da, 15:00etatik 16:00etara, EEuskadiren Europar Batasuneko Ordezkaritzan, eta Nafarroako EBerako Bulego Iraunkorreko langileek ere parte hartuko dute.
Joan den asteartean, urriaren 13an, Juan Cristobal García, SODENAko Eskualde Estrategien Arloko zuzendaria, Bruselara joan zen Europako topaketa batean parte hartzera, eskualde-elektrifikazioak eta industria-lidergoak klima-neutraltasunerako trantsizioa bizkortzen nola lagun dezaketen aztertzeko. Bere hitzaldian, Nafarroak teknologia garbietan eta berrikuntzan duen esperientzia azaldu zuen, eta «Navarra Net Zero Tech Acceleration Valley» aurkeztu zuen eskualdeko ekimenaren adibide gisa. 2026ko Eskualdeen eta Hirien Europako Astearen ekitaldi paralelo gisa egindako jardunaldia da.
Maria Chivite Nafarroako presidenteak Eskualdeen Europako Komitearen (EL) 173. osoko bilkuran parte hartu du asteazken honetan, eta "EU Automotive Package" irizpena onartu du. Irizpen horren bozeramailea da, eta automobilgintzaren sektorerako zenbait neurri lortzea du helburu, automobilgintzaren lehiakortasuna indartzeko eta emisio baxuen mugikortasunerako trantsizioa bizkortzeko.